Sunday, September 26, 2021
HomeOdishaଟୋକିଓ ଫ୍ଲାଇଟ୍‌ ମିସ୍‌ କଲେ ଭିନେଶ ଫୋଗଟ - Dharitri

ଟୋକିଓ ଫ୍ଲାଇଟ୍‌ ମିସ୍‌ କଲେ ଭିନେଶ ଫୋଗଟ – Dharitri


ନୂଆଦିଲ୍ଲୀ,୨୭।୭: ଭାରତର ସବୁଠୁ ବଡ଼ ପଦକ ଆଶା କୁହାଯାଉଥିବା ରେସଲର ଭିନେଶ ଫୋଗଟ ଟୋକିଓ ଅଲିମ୍ପିକ୍ସରେ ଭାଗ ନେଇପାରିବେ ନାହିଁ। ତାଙ୍କୁ ମଙ୍ଗଳବାର ଫ୍ରାଙ୍କଫର୍ଟରୁ ଟୋକିଓ ଫ୍ଲାଇଟ୍‌ ନେବାର ଥିଲା। କିନ୍ତୁ ୟୁରୋପୀୟ ସଂଘ(ୟୁରୋପିଆନ ୟୁନିଅନ)ରେ ରହିବା ପାଇଁ ତାଙ୍କ ଭିଜାରେ ପ୍ରଦତ୍ତ ତାରିଖଠୁ ଗୋଟିଏ ଦିନ ଅଧିକ ରହିଯାଇଥିଲେ ଭିନେଶ। ଏଥି ଯୋଗୁ ତାଙ୍କୁ ଫ୍ଲାଇଟ୍‌ ନେବାକୁ ଅନୁମତି ମିଳି ନ ଥିଲା।

ଅଲିମ୍ପିକ୍ସ ଲାଗି ହଙ୍ଗେରୀରେ କୋଚ୍‌ ଓ୍ବଲର ଆକୋସଙ୍କ ସହ ଟ୍ରେନିଂ ନେଉଥିଲେ। ସେଠାରୁ ତାଙ୍କୁ ମଙ୍ଗଳବାର ରାତିରେ ପହଞ୍ଚିବାର ଥିଲା ଟୋକିଓରେ। କିନ୍ତୁ ଫ୍ରାଙ୍କଫର୍ଟ ବିମାନ ବନ୍ଦରରେ ଫ୍ଲାଇଟ୍‌ ପାଇଁ ବୋର୍ଡିଂ ପୂର୍ବରୁ ତାଙ୍କୁ ରୋକି ଦିଆଯାଇଥିଲା।

ତେବେ ସମସ୍ୟାର ସମାଧାନ ହୋଇସାରିଛି। ସେ ବୁଧବାର ଟୋକିଓରେ ପହଞ୍ଚିବେ ବୋଲି ଭାରତୀୟ ଅଲିମ୍ପିକ୍‌ ଆସୋସିଏଶନ (ଆଇଓଏ) ପକ୍ଷରୁ କୁହାଯାଇଛି।

ଏହା ଜାଣିଶୁଣି କରାଯାଇ ନାହିଁ। ତାଙ୍କ ଭିଜା ୯୦ ଦିନ ପାଇଁ ୟୁରୋପିଆନ ସଂଘରେ ଭ୍ୟାଲିଡ୍‌ ଥିଲା। ହେଲେ ଭିନେଶ ବୁଦାପେଷ୍ଟରୁ ଫେରିବା ପରେ ୯୧ ଦିନ ୟୁରୋପିଆନ ୟୁନିଅନରେ ରହିଛନ୍ତି। ଏହି ସମସ୍ୟାର ସମାଧାନ କରିଥିଲା ସାଇ (ଭାରତୀୟ କ୍ରୀଡ଼ା ପ୍ରାଧିକରଣ)। ଫ୍ରାଙ୍କଫର୍ଟରେ ଥିବା ଭାରତୀୟ କନସୁଲେଟ୍‌ ବିମାନ ବନ୍ଦରରେ ପହଞ୍ଚି ସମସ୍ୟାର ସମାଧାନ କରିଥିଲେ। ଭିନେଶ ବୁଧବାର ଟୋକିଓରେ ପହଞ୍ଚିବେ।


All Right Reserved By Dharitri.Com





Source link

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments